Mein Kind ist krank – Was tun?

Shqip (Albanisch)

Fëmija im është i sëmurë – Ku mund të kërkoj ndihmë?

Leximi

Përshëndetje! Ky mesazh tregon pikat e ndryshme të kontaktit për fëmijët e sëmurë në Basel-Stadt dhe Baselland. Nëpërmjet 4 pyetjeve ju tregoj se në cilën pikë fëmija juaj merr ndihmën e duhur.

A është fëmija juaj i sëmurë dhe ju nuk jeni të sigurt nëse fëmija duhet të shkojë te mjekja ose mjeku?

Shkoni në farmaci. Personeli mund t’ju këshillojë lidhur me çështje mjekësore ose pyetje lidhur me ilaçe. Për këtë, nuk ju duhet të bëni një takim. Në farmaci fliten gjuhë të ndryshme.
Ju mund të telefononi edhe qendrën e këshillimit për prindër. Këshilltarët/këshilltaret kanë formimin mjekësor dhe flasin gjuhë të ndryshme. Ata diskutojnë me ju mbi mënyrën se si fëmija juaj mund të marrë mbështetjen më të mirë. Ata mund të ndihmojnë edhe për çështjet mbi zhvillimin dhe edukimin e fëmijëve. Numrat e telefonit dhe adresat e qendrës së këshillimit për prindër i gjeni në www.meinkindistkrank.ch.

A dëshironi të shkoni me fëmijën tuaj te një meke apo mjek?

Atëherë, caktoni një takim me klinikën pediatrike. Takimin mund ta bëni me telefon. Në telefon mund të pyesni gjithashtu nëse fëmija duhet të shkojë në klinikë. Nëse nuk keni një mjek/e pediatër mund t’ju ndihmojë qendra e këshillimit për prindër për të gjetur një klinikë .

A jeni të pasigurt nëse fëmija juaj duhet të shkojnë në qendrën e urgjencës dhe mjeku/mjekja pediatër nuk është i arritshëm?

Atëherë mund të telefononi në qendrën e thirrjes së emergjencës mjekësore. Ajo ju këshillon falas në telefon dhe është e arritshme gjithmonë, edhe gjatë natës dhe në fundjavë 24 orë. Numri është 061 261 15 15.

A ka fëmija juaj një problem mjekësor, i cili nuk mund të presë?

Atëherë, shkoni në qendrën e urgjencës të Spitalit Pediatriak të Universitetit UKBB. Telefononi pediatrinë nëse problemi nuk është aq i rëndë.

Fëmija juaj është në një situatë kërcënuese për jetën?

Atëherë, telefononi direk ambulancën në numrin 144.

Të gjitha adresat dhe informacionet në 16 gjuhë i gjeni në www.meinkindistkrank.ch

Ju uroj të gjitha të mirat juve dhe fëmijës suaj!

Fëmija im ka ethe

Çfarë mund të bëj? Kur duhet të shkoj te mjekja ose mjeku?

Leximi

Përshëndetje! Ky mesazh trajton temën e etheve te fëmijët. Unë ju jap këshilla rreth gjërave që mund të bëni kur keni ethe dhe se kur i nevojitet një fëmije mjeku apo mjekja.

Një fëmijë ka ethe kur ka një temperaturë trupi mbi 38,5 gradë Celsius. Te fëmijët poshtë 3 muajsh nga 38 gradë Celsius. Kur ka ethe, fëmija ka faqe të kuqe dhe ballë të nxehtë. Shpesh ai ka tështitje ose një simptomë tjetër. Por, ethet më së shumti nuk janë të rrezikshme. Ato e ndihmojnë trupin për t’u shëruar.

Me këto 5 këshilla mund ta ndihmoni fëmijën tuaj kur ka ethe:

Jepni fëmijës suaj të pijë shumë ujë dhe çaj. Për foshnjat e sapolindura, qumësht gjiri ose qumësht pluhur.
Lejoni fëmijën tuaj të flejë shumë gjumë.
Visheni fëmijën vetëm hollë. Mos e mbuloni.
Për fëmijët ka medikamente të veçanta kundër etheve. Pyetni në farmaci se cilat medikamente përshtaten për fëmijën tuaj.
Kushtojini fëmijës suaj shumë vëmendje. Për shembull, ju mund të lexoni diçka për fëmijën tuaj.

A jeni të pasigurt nëse ju duhet të shkoni me fëmijën tuaj te një meke apo mjek?

Në këto 8 situata një fëmijë ka nevojë për një mjeke apo mjek:

Fëmija ka ethe dhe është më i vogël se 3 muajsh.
Ethet nuk përmirësohen pas 4 ditësh.
Ethet nuk mund të ulen me medikamente.
Fëmija është shumë i lodhur. Ai pothuajse nuk reagon fare dhe është shumë e vështirë për ta zgjuar fëmijën.
Fëmija nuk pi dhe nuk ka pelena të lagura.
Fëmija nuk mund ta përkulë më kokën përpara ose reagon ndjeshëm kur preket.
Fëmija pëson shpërthim puçrrash me pika të kuqe. Ato nuk mund të shtypen.
Fëmija ka të dridhura ethesh. Muskujt tërhiqen, fëmija është pa ndjenja ose ka sy të shtrembëruar.

Nuk jeni të sigurt se çfarë duhet të bëni? Pyetni te qendra e këshillimit për prindër ose në pediatri. Të gjitha adresat dhe numrat e telefonit i gjeni në www.meinkindistkrank.ch

Ju uroj të gjitha të mirat juve dhe fëmijës suaj!

Fëmija im kollitet

Çfarë mund të bëj? Kur duhet të shkoj te mjekja ose mjeku?

Leximi

Përshëndetje! Ky mesazh trajton temën e kollës te fëmijët. Unë ju jap këshilla rreth gjërave që mund të bëni kur keni koll dhe se kur i nevojitet një fëmije të shkojë te mjeku apo mjekja.

Kollitja është mbrojtje, në mënyrë që të lirohen rrugët e frymëmarrjes. Gjatë kollitjes, fyti irritohet dhe në hundë formohet mukoza. Më së shumti fëmija kollitet, sepse ai ka një ftohje ose grip.

Këto 4 këshilla mund ta ndihmojnë fëmijën tuaj kur ka kollë:

Jepni fëmijës suaj të pijë shumë. Pirja mund të qetësojë fytin, të lirojë mukozën dhe të zbusë irritimin e kollës.
Hapeni shpesh dritaren për ajër të freskët. Edhe ajri i lagësht mund të ndihmojë. Për shembull, mund të lagni peshqirët dhe t’i varni mbi kalorifer.
Lejoni fëmijën tuaj të flejë shumë gjumë. Vendosni lart kraharorin e fëmijës, për shembull me një ngritje poshtë dyshekut. Kjo lehtëson frymëmarrjen dhe fjetjen.
Kushtojini fëmijës suaj shumë vëmendje. Për shembull, ju mund të lexoni diçka për fëmijën tuaj.

A jeni të pasigurt nëse ju duhet të shkoni me fëmijën tuaj te një meke apo mjek? Në këto 5 situata fëmija juaj ka nevojë për një mjeke apo mjek:

Fëmija merr frymë me vështirësi ose ka një frymëmarrje „fishkëllyese“.
Fëmija ka 4 ditë që ka kollë DHE ethe.
Fëmija ka dhimbje kur merr frymë.
Kolla zgjat më shumë se 14 ditë.
Fëmija është i rraskapitur dhe nuk dëshiron më të luajë.

Nuk jeni të sigurt se çfarë duhet të bëni? Pyetni te qendra e këshillimit për prindër ose në pediatri. Të gjitha adresat dhe numrat e telefoni i gjeni në www.meinkindistkrank.ch

Ju uroj të gjitha të mirat juve dhe fëmijës suaj!

Fëmija im është i sëmurë dhe më duhet të punoj – çfarë mund të bëj

Leximi

Përshëndetje! Ky mesazh bën fjalë për çështjet lidhur me përkujdesjen e fëmijëve të sëmurë. Një fëmijë i sëmurë mund të jetë për ju si prindër një gjë shumë stresuese dhe të kërkojë shumë organizim. Këtu merrni informacione lidhur me tri tema.

Trajtimi i sëmundjeve në qendrat ditore dhe shkolla
Të drejtat tuaja në punë dhe
Ofertat e mbështetjes në përkujdesje

Fëmija im është i sëmurë. A mund të shkojë ai në qendrën ditore ose në shkollë?

Fëmija juaj mund të shkojë sërish në shkollë ose qendër ditore kur ai të mos ketë më ethe për 24 orë. Por, për disa sëmundje të caktuara zbatohen rregulla të veçanta. Një fletë informative me rekomandime të detajuara e gjeni në www.meinkindistkrank.ch

Për Basel-Stadt: richtlinie-infekt-krankheiten-2024.pdf (bs.ch)

Për Baselland: Direktivat (webcloud7.ch)

Fëmija im është i sëmurë dhe më duhet të punoj. Çfarë duhet të di?

Ligji parashikon që mamaja ose babai mund të qëndrojnë në shtëpi për maksimumi tri ditë për çdo rast sëmundje për t’u kujdesur për fëmijën. Gjatë këtyre tri ditëve duhet të përpiqeni të organizoni një përkujdesje të përshtatshme. Nëse fëmija juaj është i sëmurë për një kohë më të gjatë dhe nuk disponohet një person tjetër për përkujdesje, ju duhet të flisni me punëdhënësin tuaj dhe të përdorni, nëse nevojitet, ditët e pushimeve ose orët ekstra.

Ndoshta ju duhet një raport mjekësor. Pyetni punëdhënësin tuaj se çfarë rregullash zbatohen në kompaninë tuaj.

Mua më duhet të punoj dhe nuk ka njeri që mund të kujdeset për fëmijën tim. Çfarë mundësish kam?

Kryqi i Kuq Zviceran organizon dërgimin e punonjësve ekspertë dhe të kualifikuar në shtëpinë tuaj. Fëmija juaj do të marrë përkujdesje dhe ndihmë. Punonjësit përgatisin vakte, luajnë më fëmijën tuaj dhe japin ilaçe, nëse ju jeni dakord. Kjo ofertë është për fëmijë deri në 12 vjeç dhe është me pagesë. Disa kompani të sigurimeve shëndetësore i mbulojnë këto kosto. Pyetni kompaninë tuaj të sigurimeve shëndetësore. Kontaktin nga Kryqi i Kuq Zviceran e gjeni në www.meinkindistkrank.ch.

Kryqi i Kuq Basel-Stadt: 061 319 56 51, https://www.srk-basel.ch/entlastung-1/familienentlastung

Kryqi i Kuq Baselland: 061 905 82 19, https://www.srk-baselland.ch/fuer-sie-da/entlastung/familienentlastung

Ju uroj të gjitha të mirat juve dhe fëmijës suaj!