Silav! Di vê peyamê de mijara navendên cûrbicûr ên serlêdanê ji bo zarokên nexweş li bajarê Bazil (Basel) û Bazillendê tê hilêxistin. Ez bi alîkariya 4 pirsan nîşanî te didim ku zarok li kîjan navendê alîkariya guncan werdigire.
Here dermanxaneyê. Karmend dikarin li ser karûbarên bijîşkî yan pirsên li ser dermanan şêwr û rawêjkariyê bidine te. Ji bo vî karî hewceyî dema serlêdanê nînî. Li dermanxaneyan bi gelek zimanan tê axaftin.
Tu dikarî bi rawêjkariya dêûbavan re jî têkilî dayînî. Rawêjkar di warê bijîşkî de hatine fêrkirin û bi gelek zimanan diaxivin. Ew bi te re li ser vê mijarê gotûbêj dikin ku çawa zarokê te piştevaniya herî baş wergire. Ew li ser pirsên têkildarî mezinbûn û terbiyeyê jî alîkarî didin. Tu dikarî di vê adresê de hejmara telefonan û navnîşanên şêwirîna dêûbavan bibînî: www.meinkindistkrank.ch.
Di vê rewşê de demeke serlêdanê ji ofîsa bijîşkê zarokê xwe werbigire. Vê randevuyê anku dema seredanê dikarî bi rêya telefonê ji xwe re veqetînî. Her wiha tu dikarî bi rêya telefonê bipirsî bê ka gelo zarok qet divê veguhezînî ccem bijîşk an na. Di rewşekê da ku te hîn Bijîşkê Zarokan tuneye, şêwirîna dêbavan dikare di peydakirina Ofîsekê alîkariyê bide.
Di vê rewşê de tu dikarî digelNavenda Têkiliya Awarte ya Bijîşkî têkilî dayînî. Ev navend bi awayê belaş bi rêya telefonê şêwirînê dide te û hertim heta di şevê de û dawiya hefteyê jî 24 saetan heye. Hejmara telefona wê 061 261 15 15 ye.
Vêca seredana Beşa Lezgîn a Nexweşxaneya Zanîngeha UKBBbike. Eger pirsgirêk ewqasî giran nîne, digel ofîsa Bijîşkê Zarokan têkilî dayîne.
Di vê rewşê de bi têkiliya bi rêya hejmara 144 rasterast daxwaza ambûlansê bike.
Hemî navnîşan û zanyarî bi 16 zimanan li adresa www.meinkindistkrank.ch
Ez ji bo te û zarokê te hêviyên herî baş dikim.
Silav! Di vê peyamê da mijara tayê/germahiya bedenê di zaorkan da tê hilêxistin. Ez derbarê vêya ku di dema tayê da dikarî çi karekî bikî pû kengî zarokekî hewcetî bi bijîşk heye, hin rênîşandanan raberî te dikim.
Demekê zarokekî ta heye ku germahiya bedena wî zêdetirî 38.5 dereceyên celsiyûs be. Derbarê zarokên bin temenê 3 mehî heta ji 38 dereceyên selsiyûs zêdetir. Di dema tayê da gumên/dêmên zarok sor û eniyê wî bi tîn dibe,. Her wiha ew pirrî caran tûşî zekemê an elameteke din a nexweşiyê dibe. Helbet pirrî caran ev ta xeternak nîne. Ta alîkariya bedenê ji bo başbûnê dike.
Gelo tu piştrast nînî ku divê çi bikî? Ji şêwirîna dêbavan an jî ofîsa bijîşkê zarokan bipirse. Hemî navnîşan û hejmarên telefonan li vir dibînî: www.meinkindistkrank.ch
Ez ji bo te û zarokên te hêviyên herî baş dikim!
Silav! Di vê peyamê da mijara kuxînê di zarokan da tê hilêxistin. Ez derbarê vê yekê ku di dema kuxînê da dikarî çi karekî bikî û kengî zarokekî hewcetî bi bijîşk heye, rênîşandanan raberî te dikim.
Kuxîn rêbazeke parastinê ji bo vekirîbûna rêkên bêhnkişandin û bêhnberdanê hye. Di wê demê da gewrî tê tehrîkkirin û di nav bêvil da şilekî çê dibe. Pirraniya zarokan ji ber vê yekê dikuxin ku tûşî qerisîn/zekem anku grîpê bûne.
Gelo tu piştrast nînî ku divê çi bikî? Ji şêwirîna dêbavan an jî ofîsa bijîşkê zarokan bipirse. Hemî navnîşan û hejmarên telefonan li vir dibînî: www.meinkindistkrank.ch
Ez ji bo te û zarokên te hêviyên herî baş dikim!
Silav! Di vê peyamê de mijara pirsên têkildarî çavdêriya ji zarokên nexweş tê vekirin. Zarokekî nexweş dibe ku ji bo te wek dê/bav gelekî stresdar be û hewceyî organîzekirineke zêde be. Li vir tu zanyariyên têkildarî sê mijaran werdigirî.
Zarokê te tenê di rewşekê de dikare dîsan biçe dibistan an Kita’yê ku bo heyama 24 saetan ji tayê rizgar bûbe. Helbet têkildarî hinek nexweşiyan hinek rêzikên taybet tên sepandin. Belgeyeke rênîşandanê ya pêkhatî ji pêşniyaz û şîretên deqîq di vî warî de li adresa www.meinkindistkrank.ch dibînî.
Ji bo bajarê Basel’ê: richtlinie-infekt-krankheiten-2024.pdf (bs.ch)
Ji bo Baselland’ê: Destûrkar (webcloud7.ch)
Di qanûnê de hatiye ragihandin ku tu wek dayîk/bav dikarî ji bo her babeta nexweşiyê herî pir sê rojan li malê bimînî da ku çavdêriya zarokê xwe bikî. Di van sê rojan de divê hewl bidî ku çavdêrekî guncaw organîze bikî. Di rewşekê de ku zarok bo heyameke dirêjtir nexweş be û çavdêrekî din tunebe, divê bi kardêrê xwe re biaxivî û dibe ku ji rojên betlaneyê yan saetên karê zêdebarî bi kar bînî.
Dibe ku hewceyîya te bi belgeyeke piştrastkirina bijîşkî hebe. Ji kardêrê xwe bipirse ku çi cûre rêzik û rêsa li kompaniya te dihêne sepandin.
Xaça Sor a Swîsreyê amadekariya hebûna karmendên perwerdebûyî û bi-ezmûn dide ku serdana mala te dikin. Zarokê te dikeve bin terapî û çavdêriyê. Ev karmend jemên xwarekê teyar dikin, bi zarokê te re dilîzin û bi hevahengiya te hin dermanan raber dikin. Ev xizmet ji bo zarokên heta 12 salî dihêne sepandin û peredan ji wan re gerek e. Hinek fondên xizmetên dermanî van lêçûnan digirin ustiyê xwe. Ji fonda xizmetên dermanî ya xwe bipirse. Zanyariyên têkiliya bi Xaça Sor a Swîsreyê li adresa www.meinkindistkrank.ch dibînî.
Rotes Kreuz Basel-Stadt: 061 319 56 51, https://www.srk-basel.ch/entlastung-1/familienentlastung
Rotes Kreuz Baselland: 061 905 82 19, https://www.srk-baselland.ch/fuer-sie-da/entlastung/familienentlastung
Ez ji bo te û zarokên te hêviyên herî baş dikim!
